(Person i dënuar nga regjimi komunist)
Veprimtar politik. Lindi në Tiranë, në vitin 1930. U arrestua në vitin 1946 si anëtar i organizatës «Bashkimi Demokrat», të kryesuar nga Sami Qeribashi [shih]. Bashkë me Abdulla Berberin [shih], Parid Deranin [shih] dhe Akil Bashën [shih] kishin hedhur traktet e hartuar prej krerëve të kësaj organizate, ku bëhej thirrje për bojkotimin e zgjedhjeve të 2 dhjetorit 1945. U dënua me 10 vjet heqje lirie. Ishte më i riu në burgun e Tiranës. U lirua në vitin 1951. U arrestua sërish më 1955 dhe u lirua më 1968.
Burimi:
● Fjalori enciklopedik i vikt. të terr. kom. – VËLLIMI I
● Portali — Historia Shqiptare: Krimet e komunizmit
[cite]