(Person i dënuar nga regjimi komunist)
Lindi në vitin 1912, në Petoshaj të Libofshës. Pasi kreu shkollën fillore dhe atë qytetëse, filloi studimet në Sorbonë (Paris), ku u laurua me rezultate të shkëlqyera për Diplomaci. U arrestua më 1946. Më 19 shkurt të vitit 1947, Komiteti Ekzekutiv i Nënprefekturës së Fierit urdhëroi sekuestrimin e gjithë pasurisë së tij, të luajtshme e të paluajtshme. Pak mbas lirimit, më 1949-1952 u burgos sërish. Më vonë u internua dhe vdiq në një gjendje të mjeruar në azilin e pleqve të qytetit të Fierit, më 1983. Asqeri Llanaj, Bektash Bej Cakrani: Historia flet vetë, Vlorë, 2010; Nazmi Berisha – Dyzi, 20 vjet në burgjet e Enver Hoxhës: Dëshmi për periudhën prej 1959-1980, Berat, 1995, f. 79; Gazeta Zyrtare, nr. 25, 18 mars 1947, f. 5.
Burimi:
● Fjalori enciklopedik i vikt. të terr. kom. – VËLLIMI I
● Portali — Historia Shqiptare: Krimet e komunizmit