(Person i dënuar nga regjimi komunist)
Lindi në Shkodër, më 1 nëntor 1937. Në zbatim të Ligjit nr. 7514, datë 30 shtator 1991 dhe të udhëzimit nr. 2, datë 4 janar 1992 të Këshillit të Ministrave, dhe shtesën e bërë në pikën 7 të udhëzimit nr. 7, datë 29 tetor 1992, komisioni i ngritur për vërtetimin e vuajtjes së dënimit me heqje lirie, të faktit të vdekjes së personit pa qenë i dënuar dhe të pushkatuarve pa gjyq në mbledhjen e datës 30 maj 1994, vendosi vërtetimin e faktit të vuajtjes së dënimit për «motive politike» nga ish i dënuari Lodovik Prela nga data 20 qershor 1963 deri më 20 gusht 1963 (mbajtur i burgosur në hetuesi dhe në pavionin e spitalit psikiatrik). F. 1, Viti 2017, D. 104, f. 100-101.
Burimi:
● Fjalori enciklopedik i vikt. të terr. kom. – VËLLIMI VI
● Portali — Historia Shqiptare: Krimet e komunizmit