Sindroma West
(Term neurologjik – Mjekësia)

Është term që përdoret për të përshkruar një formë të veçantë të epilepsisë të infantëve dhe fëmijëve të vegjël. Epilepsia është e përbërë nga triada: spazma infantile, retardim psikomotor dhe hipsaritmi. Spazmat infantile janë kontraksione fleksore të papritura, të shkurta dhe shpesh bilaterale dhe simetrike të qafës, trungut dhe ekstremiteteve. Retardimi psikomotor mund të shfaqet me çrregullime kognitive, hipotoni të gjeneralizuar, mikrocefali, paralizë, ataksi, vërbim apo shurdhim. Sindromi i Westit takohet në 30% të rasteve te skleroza tuberoze, takohet te malformacionet kongjenitale, traumat dhe hipoksia, si dhe te çrregullimet metabolike, ku vërehet një rritje e dukshme e hormonit CRH (Corticotropinreleasing Hormone). Në EEG vërehen amplituda të larta me valë të ngadalshme me shkarkime multifokale. 50% të rasteve shërohen me kalimin e moshës, zakonisht deri në moshën 4-5 vjeçare, të tjerët kalojnë në sindromën Lennox-Gastaut. Sulmet dhe EEG abnormale mund të përgjigjën mirë në terapi me hormonin adenokortikotrop (ACTH), kortikostreroide ose benzodiazepine, sidomos Clonazepam.

Portali — Neurologjia
Portali — Mjekësia