(Person i dënuar nga regjimi komunist)
Klerik i lartë musliman, pedagog, prijës i tarikatit Tixhani për Shkodrën. Lindi në Shkodër, më 1883. Kreu shkollën qytetëse dhe të mesmen administrative. Studimet teologjike i bëri me myderrizë të njohur shkodranë, si Haxhi Hysen ef. Vuthi etj. Në Kongresin II Musliman të Shqipërisë (1926) mori pjesë si delegat i Shkodrës. Më 1929 u emërua vaiz (predikues) në prefekturën e Shkodrës e më vonë edhe myderriz e profesor në medrese. U arrestua në vitin 1947 për agjitacion e propagandë dhe u dënua me 10 vjet heqje lirie. U lirua më 1954 dhe vdiq katër vjet më vonë, më 1958, në Shkodër. 100 personalitete shqiptare të kulturës islame: shekulli XIX-XX, Komuniteti Mysliman i Shqipërisë, Tiranë, 2012, f. 136-139.
Burimi:
● Fjalori enciklopedik i vikt. të terr. kom. – VËLLIMI I
● Portali — Historia Shqiptare: Krimet e komunizmit