FRATARI MUSA
✤ (1911-1938). Revolucionar i dalluar për veprimtari antizogiste, pjesëmarrës në Luftën e Spanjës, Hero i Popullit. Lindi në Fratar të Përmetit në një familje të mesme fshatare. U edukua me ndjenja patriotike e demokratike. Nën ndikimin e ideve komuniste zhvilloi veprimtari revolucionare antizogiste.

Për këtë arsye u pushua nga puna. M.F. mërgoi në Francë ku zhvilloi veprimtari revolucionare dhe bashkëpunoi me Halim Xhelon etj. Në maj 1938 M.F. shkoi në Spanjë për të luftuar përkrah popullit kundër fashizmit. U rreshtua në brigadën XII ndërkombëtare dhe u ngarkua me përgjegjësi ushtarake. Ra heroikisht në betejën e Ebros.

(V.K.)

Burime, referenca dhe shënime:
● Fjalori Enciklopedik Shqiptar (1985)
● Artikulli origjinal – Fratari Musa