(Person i dënuar nga regjimi komunist)
Bujk, lindur më 1885 në fshatin Bërdicë, Shkodër. I martuar me katër fëmijë dhe me një vëlla të pushkatuar nga regjimi, Lush Palokën. U arrestua më 13 tetor 1946. Gjyqi Ushtarak u zhvillua më 27 nëntor 1947, ku u gjykuan 22 të pandehur: i përfshirë në akuzën kolektive të Prokurorisë Ushtarake të Shkodrës në lidhje me Lëvizjen e Postribës si “inisjatorë të një organizate klandestine kundra pushtetit popullor. Duke krijuar lidhje me ‘kriminelët e luftës brenda e jashtë Shqipërisë: M. Bajraktarin, P. Previzin, Gj. Markagjonin’ me qëllim që të përgatitnin ndërhyrjen angloamerikane, duke nxitur të arratisurit për aksione dhe lëvizjen e 9 shtatorit”, u dënua në bazë të ligjës 372, neni 2, 3 për organizimin e kryengritjes në Bërdicë me 5 vjet heqje lirie e punë të detyruar. Uran Butka: Kryengritjet e para kundërkomuniste, ISKK, Tiranë 2013, F. 254-260
Burimi:
● Fjalori enciklopedik i vikt. të terr. kom. – VËLLIMI II
● Portali — Historia Shqiptare: Krimet e komunizmit