Emra, emërtime dhe lloje pëllumbash
BALLËZI
Pëllumb ballëzi themi kur një pëllumb ka një pullë të zezë në ballë.
BALLI
Pëllumb me një pullë të kuqe në kokë.
PËLLUMB I BARDHË ose PENDËBARDHË
Pëllumb i bardhë është ai që i ka pendët të bardha.
BARKBARDHË
Pëllumb që e ka barkun të bardhë.
BORIZAN
Pëllumbi borizan është pëllumbi, që e ka bishtin të madh.
PËLLUMB ME BREKË
Pëllumb me brekë themi kur një pëllumb ka pupla të mëdha e të dendura te këmbët.
PËLLUMB I BUTË
Pëllumb i butë themi për pëllumbat që janë zbutur.
CUNG
Pëllumb cung themi kur një pëllumb ka bishtin apo krahët të prerë.
ndërsa pëllumbave që iu janë shkulur puplat te krahët dhe te bishti iu thonë KRAHABISHTSHKULË.
PËLLUMB ÇAKËRR ose PËLLUMB I SHKRUAR
Pëllumb çakërr janë pëllumbat që kanë ytë me ngjyrë shumë të çelur të larmë ose të bukur.
ÇALLMË
Pëllumb me çallmë u themi pëllumbave që kanë një tufë pendësh në kokë.
PËLLUMB I EGËR ose GOGESH
Pëllumbat e egër janë ata që jetojnë të lirë në pyje.
GRIP
Pëllumb i bardhë me pika të zeza.
GUHAK
Lloj pëllumbi i egër e shtegtar, me trup të mbuluar me
pendë ngjyrë hiri në të kaltër dhe me krahë të larmë.
GUSHËKUQ
Atyre që e kanë gushën të kuqe u themi pëllumb gushëkuq.
KARA
Pëllumb me pendë të zeza.
KRAHËPRERË
Pëllumb që i ka krahët të prerë. Pëllumb krahëprerë.
KRAHËSHKRUAR
Pëllumb që i ka krahët me ngjyra të ndryshme e të bukura.
Pëllumb krahëshkruar.
KUMRI
Lloj pëllumbi me pendë e pupla në ngjyrë të kuqe të çelur, të përzier me
të verdhë e të bardhë dhe me një njollë të harkuar pas qafës.
Mashkulli i kumrisë quhet GUGASH ose GUGUSH
KUQO
Pëllumb i kuq.
LARASH ose LAROSH
Që është laraman. Pëllumb larash.
POSTAR
Pëllumb poste për pëllumbat që janë mësuar të çojnë mesazhe të shkurara apo edhe kartë memorje me këngët e zgjedhura në format mp3 🙂
PËLLUMBESHË ose VIDË
Pëllumb femër
QAFËKUQ
Pëllumb që i ka puplat e qafës të kuqe.
Pëllumb qafëkuq.
QAFËZI
Pëllumb që i ka puplat e qafës të zezë.
Pëllumb qafëzi.
RROÇE
Pëllumb i bardhë femër pa kaçul. Mashkuli quhet RROÇ.
VIDAN
Pëllumb mashkull.
Shtesë:
1. Për pëllumbat themi se gugatin (guitin ose gugojnë) kur nxjerrin tingullin
karakteristik gu-gu
2. Zhurma që del nga përplasja e krahëve quhet fërfëllimë, pra pëllumbat fërfëllojnë.
3. Pupëlat e tyre quhen edhe lëpendra ose shpendëla.