GJENOCIDI
✤ Shfarosja e plotë ose e pjesshme e grupeve të veçanta të popullsisë për motive raciale, etnike etj. me anë mjetesh e mënyrash të ndryshme si vrasjet, dëmtimet e rënda trupore ose mendore të anëtarëve të grupeve, vënia e tyre me qëllim në kushte të tilla jetese që shkaktojnë shkatërrimin fizik të plotë ose të pjesshëm, marrja e masave që kanë si qëllim ndalimin e lindjeve në gjirin e tyre etj. Politika tipike e gjenocidit e ndjekur për vite të tëra nga qarqet shoviniste serbomëdha ndaj shqiptarëve në Jugosllavi është përdorur gjerësisht dhe vazhdon të përdoret edhe në periudhën e pasluftës nga udhëheqja e shtetit jugosllav.

Legjislacioni shqiptar e konsideron gjenocidin krim të rëndë. Neni 54 i Kodit Penal të RPSSH parashikon sanksione shumë të rrepta për fajtorët. Gjatë Luftës së Dytë Botërore Gj. u zbatua gjerësisht nga hitlerianët. Pas luftës ai është përdorur sidomos nga imperialistët amerikanë, nga sionistët izraelitë dhe nga racistët e Afrikës së Jugut.

(K.Kr.)

Burime, referenca dhe shënime:
● Fjalori Enciklopedik Shqiptar (1985)
● Artikulli origjinal – Gjenocidi