KAMBANA PNEUMATIKE

(deti)

Kur fusim në një enë me ujë një gotë të përmbysur të mbushur me ajër, uji nuk hyn dot në të. Kambana pneumatike është një enë e madhe e përmbysur që lëshohet në fund të detit. Njerëzit mund të punojnë brenda saj pa u lagur nga uji. Kambana pneumatike është një pajisje e njohur që prej shumë kohësh dhe që përdoret edhe sot. Nën kambanën pneumatike punohet më me lehtësi se me skafandër. Duke përdorur ajrin e kambanës, i cili mund të ndërrohet vazhdimisht me anë të një pompe, njeriu punon nën të sikur të ishte jashtë dhe pa u penguar nga shtypja e ujit. Por për shkak të lagështirës tepër të madhe dhe të shtypjes, nën ujë nuk mund të punohet për një kohë të gjatë.

Qielli – Deti – Toka