Ky libër, që është i pari në serinë e botimeve të ilustruara me karakter enciklopedik për moshat e reja shkollore, përmban njohuri të përmbledhura e interesante për sende e dukuri të botës që na rrethon. Aty shpjegohen gjëra të cilat mund t’i keni parë apo dëgjuar në programet e radios e të televizionit, që mund t’i keni lexuar në libra. revista e gazeta, ose që mund t’i keni dëgjuar gjatë bisedave të të rriturve dhe për të cilat mund t’ju kenë lindur pyetje të ndryshme. Për çdo send a dukuri jepen dy shpjegime, që dallohen nga ngjyra e shkrimit: një shpjegim i shkurtër për fëmijët e klasave të ulëta të shkollës tetëvjeçare, dhe një shpjegim i dytë, më i gjatë e më i plotë, për fëmijët e moshave më të mëdha. Qëllimi i kësaj serie librash është që t’ju japë përgjigje për gjëra që nuk i dini, ose nuk i dini mirë, dhe në këtë mënyrë t’ju ndihmojë për t’i zgjeruar sadopak njohuritë që fitoni çdo ditë në shkollë e në jetë. Red.: R. Hysa. Tiranë, 1983Qielli

Deti

Toka