KOMETA
(qielli)
Kometat janë trupa qiellorë si Toka dhe Hëna, por me përmasa shumë më të vogla. Ato rrotullohen rreth Diellit dhe lëshojnë pas vetes një bisht të gjatë të shndritshëm. Shfaqja e një komete në qiell është një gjë e bukur dhe shumë e rrallë. Kometat, që dallohen prej meteorëve nga një bisht i gjatë i ndritshëm, më përpara shkaktonin tmerr te njerëzit e paditur, sepse shkenca nuk kishte arritur të shpjegonte se çfarë ishin ato. Koka e kometës është një trup i ngurtë, i rrethuar nga një masë e madhe gazesh dhe avujsh uji, që arrin ndonjëherë një diametër prej disa qindra kilometrash. Bishti përbëhet nga pjesëza të bashkuara, që ndriçohen nga Dielli. Çdo 76 vjet një kometë e madhe i afrohet Tokës: është kometa Hallej, që njerëzit e kanë soditur në vitin 1910 më pas në vitin 1986, dhe ne do ta shohim kur të kthehet përsëri vitin 2062.